عادات تهبل فى الزواج

انا جيبالكم النهارده شويه عادات تخليكوا تشدوا فى شعركم .

1 المحارب فى الصومال بيضرب عروسته فى الفرح علشان تسلمله من الاول وترفع الرايه البيضه وانه هو السيد الامر الناهى

2 الريف فى غرين لاند بيكون الفرح زى بتاع انسان الكهف العريس يروح لبيت اهل العروسه ويجرها من شعورها لحد اما يوصلوا للكنيسه

3 اما بقى فى جزر كوك العروسه بتكون ملكه بتمشى للكنيسه على سجاده من البشر لان شباب القبيله وحسب التقاليد بيناموا على الارض ووشوشهم لاسفل وتدوس العروسه على ضهورهم لحد اما توصل لمكان الفرح

4 اما فى بورما بقى العروسه تترمى على الارض ويقوم راجل عجوز يخرم ودنها وهى تسرخ لكن محدش بيسمعها لانى فى موسيقى عاليه شغاله بتغطى صوتها

5 فى جزيره جاوه بتلون العروسه سنانها بالاسمر وتغسل رجل سى السيد فى الفرح دليل على انها مستعده تخدمه طول حياتها

6 لكن اغرب الطقوس بتحصل فى قبيله نجريتو فى جنوب المحيط الهادى هناك بيروح العريس وعروسته للعمده اللى بيمسك راسهم ويخبطها فى بعض وكده يكونوا اتجوزوا

ياريت الموضوع يعجبكم