موضوع حساس بجد جدا جدا وارجوا الرد بجدية

قبل ما ابدا الموضوع والناس تقراه الموضوع حاسس جدا
وجرئ موووووووووووووت
وهى غريزة ملحة فى الانسان
وياريتا ناخد الموضوع جد ومحدش يتخض

ملحوظة : الموضوع منقول عن لسان انثىىىىى

الموضوع
دة حساس جدا وترددت كتير قبل ما انزلة ومسحتة اكتر من مرة ورجعت تانى
انزلة لانى عايزة رايكم بجد احنا هنا بنتكلم بجد وسيبكم من الهزار وخدوا
الموضوع من الناحية الدين والعادات والناحية الطبية كمان
انا عايزة كل شاب او بنت موجودة هنا وبتقرا الكلام دة متقولش عليا قليلة الادب لان الموضوع دة بجد شاغلنى و اكيد شاغل بنات كتير اوى
وانا
قصدى بنزولة هنا ان احنا نتناقش فية بشكل جدى بعيد عن استخدام اى كلمات
خارجة او جارحة زى ما انا حاولت ومستخدمتش اى كلمة خارجة من قريب او من
بعيد رغم ان الموضوع حساس جدا بس حاولت اعمل كدة عشان اثبت للكل ان قصدى
النقاش الجاد ولانى مينفعش افتح الموضوع دة مع اى حد سواء صحباتى او
اخواتى دة غير انى عايزة اسمع رايى الشباب

وياريت ناخد الموضوع انة فعلا شئ مهم لازم ناخد بالنا منة

الموضوع بدا لما سمعت واحدة قريبتى بتتكلم عن ابنها اللى مسافر بعيد عن مراتة وانها لازم تسافرلة عشان هو شاب واكيد محتاجها
اكيد فهمتوا الموضوع اللى بتكلم فية

لية بئى بتعتبروا ان الست او البنت مش من حقها تقول انها محتاجة حاجة زى دى
وان دة قلة ادب المفروض انها انسانة برضة

الراجل
لما يوصل لسن 30 كل اللى حوالية بيقول انة لازم يتجوز عشان الموضوع دة
وعشان ميعملش حاجة تغضب ربنا ولما مرات واحد تموت نقول انة لازم يتجوز
عشان مينفعش يعيش من غير ست ولما ست جوزها يموت مش بنبص غير انها مش لازم
تتجوز تانى ولو اتجوزت يكون عشان راجل يصرف عليها وداخل خارج واسمها عايشة
فى كنف راجل طب لية مبصتوش للنقطة دى برضة ولا هى مش من حقها ولا اية

فية
بنات كتير بيكون الموضوع دة بتحتاجة زى الرجالة بالظبط والرجالة فى الحالة
دى عادى جدا ولازم تتجوز عشان كدة اما البنات فمش من حقها اصلا تحس بكدة
ولو فكرت كدة يكون عيب ومصيبة سودة على دماغها
وكل الرجالة شايفيين ان الست او البنت لو حست بحاجة زى دى يكون عيب وقلة ادب مع ان دى غريزة ربنا زرعها فى كل انسان

موقف
تانى استفذنى وهو اللى شغلنى جدا واحدة قريبتى بس بدون ذكر درجة القرابة
وصل سنها لل28 وطول الفترة دى كان بيتقدم ليها عرسان وكانت بترفض لانهم مش
مناسبيين وبعد ما وصلت للسن دة بدا رايها يختلف وحسيت من كلامها معايا فى
ساعة سمر واحنا سهرانين سوا انها على استعداد انها تتجوز اى حد يتقدم فية
ادنى المواصفات اللى هى بتتمناها
وكنت
مستغربة من دة وكنت فاكرة انها خايفة من العنوسة اللى بنات كتير بتخاف
منها ولما اخدنا الكلام وفتحتلى قلبها فهمت من كلامها المغطى انها محتاجة
حاجة معينة وان هى نفسها شايفة ان احساسها دة عيب بس هى مش عارفة تعمل اية
فى نفسها هى كدة وفعلا وصلت لدرجة انها عايزة تتجوز والسلام لان زى ما
قولت دى حاجة ربنا زرعها فينا انا لما سمعت كلامها بجد اتصدمت و قولت
لنفسي اية دة هى البت انحرفت ولا اية بجد كنت مستغربة وبعدين اعد افكر اية
المشكلة مش دى طبيعة البنى ادمين ولا اية

وفكرت كتير هل دة فعلا بسبب الموضوع اللى بيتكلموا علية دلوقتى كلهم اللى هو بتاع ماما سوازن دة
انا
اصلا ضد الموضوع دة لان لية مشاكل كتير على الرغم ان فية ناس لسة بتعملة
بس برضة فية ناس ومن زمان بطلت الحاجات دى بس بعد الموضوع دة ما فتحتة
معايا قريبتى وشغل بالى بدات افكر ان الموضوع دة لازم يتعمل فعلا رغم ان
انا شوفت بنات صحباتى مرو بالموضوع دة وكانت معاناة بالنسبة ليهم وشافوا
ايام سودة وصعبة جدا وفية بنات عندها عقدة لغاية دلوقتى من الاسلوب
المتخلف
بس
فكرت فيا وفى قريبتى وفيهم ولئيت انهم احسن لانهم ممكن ميفكروش بنفس
الطريقة اللى بتفكر بيها قريبتى ويمكن يكون الموضوع دة هو اللى ماثر وانة
احسن يتعمل عشان منحسش بحاجة زى دى

وهل فعلا دى قلة ادب
بجد من غير تجريح او اهانة
انا عارفة ان الموضوع حساس بس احنا هان عشان نتناقش فى المواضيع الهامة الجادة مش هزار وبس

انتوا شايفيين اية
بنات وولاد

امممممممممممممممممممممممممممممممممممممممممممممممممممممممممم

لا مش عارفة بصراحة الموضوع جرئ بغبااااااااااااااااااااااااااء

انا عارف انو جرئ بس دة واقع وانا عاوز اعرف اراءكم وياريت بس الباعضاء يعبروا الموضوع

لالالالالالالالالالالالالالا

انا بصراحه مش عارف ارد واقول ايه الموضوع جرى اوى يا جماعه

وانا بقولهالك اهو فى ناس كتييير هتخش وتتريق

ياعم الهيتريق دة يا امال اهبل يا اما عبيط يا اما متخلف عشان الموضوع موجود فى حياتنا