عندما يلّح .. فعل بكاء

طب أنا حاليا مش متضايقة ,,, ..هى

مجرد رغبة شديدة و ملّحة فى

بكاء طفلة



صراحة
أنا لا أفتقد البكاء فى حد ذاته ..لكن أنا أفتقد البكاء قدام حد ,, أفضل
أبكى و أبكى و أصل إلى حالة التشنج ..و يمكن أرفس برجليا زى العيال
الصغيرة ..مش بعيد عن عيلة أصغر .. عارفين بكاء الأطفال لما يبقى بحرقة
كده ؟ أنا نفسى فى كده جدا ..و بشكل وملامح وجه الطفلة ..و بعد ما أبكى
..يبتسم لى أو تبتسم لى على حسب تعيس/ تعيسة الحظ ..و أمشى و أسيبه .!!؟

تلك
الرغبة الطفولية فى البكاء قدام حد ..مش لمجرد إنه يطبطب عليا ..أنا مش
عايزة طبطبة ..لا أعشق الطبطبة أو أفضلها فى الحالات دى ..أنا عايزة أعيط
قدامك ..و عايزة أبقى ضعيفة و عايزة أبقى طفلة و عايزة أبقى كل حاجة ..مش
عارفة أكونها

أنا مش عايزة أصمد زى كل مرة ..مش عايزة أوقف دمعتى المرة دى و أحولها لنوع من الغضب و العصبية

مش عايزة أصمد ..

كلمة لسمرتين
: تعرفوا إنى بقالى كتير مابكتش قدامكم ..اللهم إلا المواقف العارضة اللى
بتغلبنى فيها دموعى و بتبقى لمدة ثانيتين تلاتة .. أنا واحشنى أبكى قدامكم
أنتوا كمان ..و اشتكى لكم .. و أتنهد بحرارة شديدة من حرقة البكاء ..و فى
الاخر تحضنونى ..أنا مفتقدة لشتاءنا مع بعض ..مفتقدة للمطرة معاكم جدا ..و
مفتقدة لدموعى الساخنة وسط الشتا معاكم ..مفتقدة لذهولكم لما بتلاقونى
ببكى ..أنا مفتقداكم بمعنى أصح و أشمل و أكبر

يمكن
أنا مفتقدة لحاجة تزعلنى أوى أوى لدرجة تبكينى ..و تخيلنى أبكى البكاء
الشديد القوى ..مفيش حاجة تستاهل فى دنيتى بقت تزعل ..زى مابقتش فى حاجة
تستاهل إنها تفرح .. عارفين قريت جملة كده فى كتاب حد مش فاكرة اسمه إية
بتقول " سعيد ..لإنى مش حزين أوى " ..هى دى الحالة اللى أنا فيها ..بتمر
الدنيا و الواحد فاتح بقه كل يوم بضحكة ..علشان الحمد لله ..مش زعلانة .!؟


بس أنا عايزة أزعل بقى .. و أزعل بشدة و بعنف ..و بكبرياء و ضعف ..عايزة أزعل أوى ..علشان أعرف أفرح أوى

أنا مفتقداك ..و مفتقدة الفرحة بالمعنى الحقيقى و مفتقدة الحزن بالشكل الحقيقى

و مفتقدة كل شىء حقيقى


منقووووووووووووووووووووووووووووول

جامد اوىىىىىىىىىىىىىى
بجد تحفة

وانا كمان عايزة اعيط

شكرا على الردود الجامدة دى يا بشر

نعم يا اختى شوفى انتى بتكلمى انا ال كاتب الموضوع او ال نقلو يبقى ازاى موزز
جرررررررررررررررررررررررررررررررررررررر
وبعدين انا طول عمرى بعمل مواضيع حلوة