خد اجازة من التلاجة....وعيش فى البوتوجاز

بصو بقي .. دلوقتي المفروض كل واحد فينا يتعلم .. ازاي ياخد اجازة م التلاجة ويعيش مرة في البتوجاز .. لان العالم دلوقتي تطور .. ومش معقول اننا نبقي
احنا الوحيدين اللي لسه لحد دلوقتي عايشين في البرطمان علي رف التلاجة وكل الناس من حوالينا عايشين في البتوجاز
.
.

وانا من مكاني هنا باعلنها .. لازم يا اخواني كلنا نتحد وتكون كلمتنا واحد ونصرخ كلنا في صوت واحد ونطالب باجازة رسمية تقررها الدولة ويكون لكل مواطن
الحق الشرعي والدستوري انه ياخد اجازة م التلاجة وينط في الكنكة اللي بتغلي ع البوتاجاز
.
.

لازم تتعلم ما تجمدش مشاعرك واحاسيسك وانفعالاتك وردود افعالك حاول تكون سخن .. انت لازم تتعلم تكون سخن .. حاول تتعلم .. انك تكون مصدر للفعل
مش لرد الفعل .. حاول تكون مؤثر يا اخي .. خليك اكتف موشن .. لازم يكون ليك راي وموقف ولازم الناس تفهم د ا... اسخن بقي يا باااااااارد
.
.

ايه ياعني بتحب بنت من المهندسين وانت اصلك م العشوائيات .. خليك جامد الحب ما يعرفش الحجات دي .. هتفضل مداري لحد امتي .. اخرج من تلاجتك
وعيش في بتوجازك يوم واحد بس .. واسخن كدا وقولها انا بحباااااااااااااااااااااااااااااااااااااك
.
.

ايه اللي هيجري ياعني .. هتضربك بالالم .. هتجيبلك البوليس مثلا .. مايهمكش انت بقيت سخن دلوقتي .. والناس كلها هتعملك الف حساب وما تنساش تبقي تغني
ظلموه بعد ما تاخد منها البمبة الكبيرة
.
.
خليك جامد .. افرد ضهرك علي الكرسي دلوقتي وخد نفس كبير واتعدل قدام الجهاز وقول لنفسك انا سخن انا سخن انااااااا سوووووخن ياعني من الكنكة عدل
.
.

ومش بارد ابدا .. وعمري ما هكون بارد تاني في يوم م الايام .. ايه ياعني روحت تجيب عيش ولقيت الطابور زحمة موت طحن
.
.
اوعي تكون بارد وتقول انا هاقف في الطابور زي بقيت الخلق .. لا اطلع من تلاجتك وعيش في بتوجازك يوم واحد بس واصرخ في الناس دي كلها وغامر بايدك
وبجسمك لحد ما توصل وتجيب العيش وما يهمكشي من اي حد .. انت سخن وكل الناس اكيد هتخاف منك .. بس ما تنساش تبقي تكلم دكتور معرفه يصلح اللي هيتكسر منك ساعتها
.
.

اوعي الكلام دا يهزك ابدا او يأثر علي عزيمتك .. من انهاردة انت لازم تكون واحد تاني .. واحد سخن بيغلي .. واحد مالوش حل .. واحد هو اللي بيلسع الناس
في زورهم مش الناس هي اللي بتقلب بالمعلقة في حياته .. واحد هو اللي بيصنع ظروفه بنفسه مش ظروفه هي اللي بتصنع له الطريق .. خليك جامد واصرخ بعلو صوتك وقول .. انا سخن .. انا سخن .. انااااااااااا سووووووووووووخن
.
.

ايه ياعني ركبت الاتوبيس يوم من الايام ولقيت الاتوبيس زحمة موت طحن .. ومش عارف حتي تلاقي شبر تحط فيه رجليك .. اوعي تعمل زي بقيت الناس
وتسكت ، كدا لا .. اوعي تخليك بارد .. اخرج من تلاجتك وعيش في بتوجازك وعلــّــي البتوجاز ع الاخر .. وحمــّــر عنيك وخرّج دخان من ودانك واصرخ
وقول انا سخن .. وشيل اقرب واحد قدامك وارميه من الشباك وشد اقرب واحد جنبك وقومة واقعد مكانه .. وماتخافشي ايه اللي ممكن يحصل ياعني .. هيتلم
عليك كل اللي في الاتوبيس وتاخد علقة ..ايه ياعني .. اوعي تخاف .. انت دلوقتي سخن جدا واكيد الناس كلها هتكون خايفه منك .. بس ابقي اعمل توكيل مع اي مستشفي رخيصة كدا تحسبا لاي طوارئ

.

اخيرا .. عشان اتاكد انك اكيد هتسمع الكلام .. كرمش وشك .. ارفع جواجبك لفوق .. طلع لسانك لبرة بس حاسب تريل علي نفسك
.

بص لنفسك في المرايه كدا

..

بذمتك في حد يعمل اللي انت عاملة في نفسك دا .. انت مجنون ولا ايه .. اعقل يابني وربنا يهديك .. خش التلاجة واقفل علي نفسك ونام كدا ربنا يهديك

ههههههههههههههههههههههههههههههههههه

اعيش فى البوتجاز ليه التلاجه احسن

انا يعنى يتحرق دمى ليه ؟

خليه فى التلاجه

وانا غلطانه انى اسمع كلام واحد زيك فى الاخر اطلع مجنونه

ماشى

اه صوح والله التلاجه اهون

فى الستا ابقى اعيس فى البوتو