As7aB
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

As7aB

We WOulD LiKe You TO be OuR fRiNd
 
الرئيسيةأحدث الصورالتسجيلدخول

 

 حكايتي مع بنت الجيران

اذهب الى الأسفل 
5 مشترك
كاتب الموضوعرسالة
mahmoud gasser
عضو متألق
عضو متألق
mahmoud gasser


ذكر
عدد الرسائل : 307
العمر : 28
المزاج : جيد جدا
   : حكايتي مع بنت الجيران C13e6510
تاريخ التسجيل : 18/04/2008

حكايتي مع بنت الجيران Empty
مُساهمةموضوع: حكايتي مع بنت الجيران   حكايتي مع بنت الجيران Icon_minitimeالخميس يوليو 31, 2008 4:20 pm

farao

الحكاية بتبدأ من حوالى سنتين....
العفش بينزل من على عربية النقل...

و انا واقف فى البلكونة.. وبسأل امى (اللى كانت واقفة تنشر الغسيل): هو فى حد هيسكن هنا ولا ايــه يامـا؟
قالتلى اه يا حبيبى دى الشقة اللى قصادنا
قلتلها ويا ترى عرسان جداد ولا عيلة وبتعزل؟
قالتلى والله يابنى مانا عارفة
قلتلها طيب.. يا خبر انهارده بفلوس.. بكرة يبقى بفلوس اكتر..

و بعد أسبوع......
أمى واقفة بتنشر الغسيل بردو.. وانا واقف جنبها بردو.. وبتقولى: مش السكان الجداد وصلوا خلاص
قلتلها يا شيـــــخة!
قالتلى: اه.. مرات الراجل عدت عليا انهارده وسلمت عليا وعرفتنى بيهم
قلتلها: ايــه بقى عرسان جداد؟؟
قالتلى لا دول أسرة.. عندهم ولدين وبنت
قلتلها خير.. خير.. (والشر بيبظ من عينيا)

و أثناء الحديث الشيق ده..
طلعت مامت الولاد م البلكونه.. ولما شافت أمى هزت راسها - بتسلم على امى يعنى -.. وطبعا أمى ردتلها الهزة - بترد السلام يعنى -
و بعدين طلع ولد صغير ابتسم لنا اول ما شافنا....
أصل البلكونة فى وش البلكونة , بس هم مركبين ستارة واحنا مش مركبين ستارة... بس باين عليهم ناس طيبين اوى...
المهم.. الأم ندهت لبنتها...
الحقيقة انا كنت أول مرة فى حياتى أسمع الاسم اللى هى ندهت به..
أول مرة أعرف ان فى بنت اسمها كده أصلا...

الام بتنده: يــــــا روفيدة (على وزن بثينة , بضم الراء يعنى)
اسم جامد مووووووت... عجبنى الاسم اوى... وبدعى ربنا تكون رُفيدة حلوة زى اسمها..
و طلعت روفيدة من ورا الستارة فـى حركة Slow Motion من بتاعة الافلام..
و انا متنح تتنيحة سوده... روفيدة طلعت احلى من اسمها.. جميلة جمال لا يوصف... ناصعة البياض..
مش قادر ارفع عينى من عليها.. مينفعش ارفع عينى من عليها اصلا...
فضلت متنح لحد ما شافتنا انا وامى..
لما شافت امى ابتسمت لها..

و لما شافتنى زى ما تكون شافت عفريت ودخلت على جوة جرى...


و تمر الأيام..
و مشكلتى ان البلكونة بتاعتنا تدخلها من اوضتى.. عشان كده فى الرايحة والجاية ابص اشوف روفيده واقفة ولا لأ..
ساعة ما الاقيها واقفة.. اطلع البلكونة..
مرة اعمل نفسى بتكلم فى التليفون.. او بشم الهوا مثلا - مع إن الدنيا تراب وعفرة -
او بلعب عشر ضغط.. اى تلكيكة والسلام
الغريب انها كانت فى الاول لما تشوفنى تروح داخلة جرى على جوة..
لكن بعد فترة لاحظت انها مكانتش بتدخل اول ما تشوفنى.. وكانت بتفضل واقفة هى كمان...
بقيت فى عز الشمس اقف.. لحد ما اعرق واجيب جاز.... فى عز البرد واقف بتكتك م البرد
واقف بالساعات مدام روفيدة واقفة... ارمى نظرة.. ابتسامة.. أشاور
و كانت هى بتكتفى بالابتسام وعلامات الخجل...

و ف يوم من ذوات الايام..
بشاورلها.. شاورتلى
بقيت هطير م الفرحة.. روفيده شاورتلى يا جدعان...
قعدت اطنطط ع السقف وأغنى وحياة قلبى وأفراحه..
و هبا إيـه هبا أاه.. إن شاء الله هنظبط
امتى بقى اتكلم معاها ونهظر سوا...

لحد ما جه اليوم...
انا راجع م الكلية.. وعلى اول الشارع شفت أمى واقفة مع مامت روفيده..
و المفاجاة: روفيده واقفة معاهم
لقيت نفسى بجرى زى شخصيات الكرتون.. نصى التحتانى بيجرى قبل نصى الفوقانى تشووووووووو...
لحد ما بقيت عندهم.. عرقان طبعا وبنهج وحالتى حالة...
نزلت عليهم زى الباراشوط..
ازيك ياما.. ازيك يا طنط عاملين ايه...
و بصيت لرٌفيدة.. كانت بصالى وبتضحك..
كانت زى القمر اليوم ده.. ولابسة تى شيرت حمالات - اصل الجو كان حر اوى اليوم ده -
قلتلها: ازيك يا روفيده؟!
و كان رد فعلها غير متوقع بالمررررة... كان صدمة حقيقية بالنسبة لى..
لقيتها بتمد ايديها وبتسلم عليا...
و بتقولى: الحمد لله.. ازيك انت؟؟!
رحت مسلم عليها....
و قلتلها: الله يسلم قلبك يا روح قلبى..
و رحت بايس ايديها....
و رحت شايلها...........
و قلتلها: انتى عندك كام سنة بقى؟؟







قالتلى عندى 3 سنين





رحت بايسها تانى وانا هطير م الفرحة وفضلنا نلعب ونضحك ونهزر... لحد ما مامتها شالتها وطلعوا البيت
و من يومها وانا وروفيده اصحاب... كل ما تطلع البلكونه نلعب ونهزر مع بعض

ههههههههههههههههههههه
تعيشو وتاخدو غيرها


الرجوع الى أعلى الصفحة اذهب الى الأسفل
sweety
عضو vip
عضو vip
sweety


انثى
عدد الرسائل : 6627
العمر : 30
الموقع : بيت العز يا بيتنا
العمل/الترفيه : شغلتى من ساعة ما اتولدت لحد كمان حوالى 6سنين
المزاج : so romantice :x
   : حكايتي مع بنت الجيران C13e6510
تاريخ التسجيل : 03/04/2008

حكايتي مع بنت الجيران Empty
مُساهمةموضوع: رد: حكايتي مع بنت الجيران   حكايتي مع بنت الجيران Icon_minitimeالخميس يوليو 31, 2008 6:36 pm

Very Happy اية الرومانسية دى كلها يا عم
الرجوع الى أعلى الصفحة اذهب الى الأسفل
M**a**R**e**k**A
عضو رائع
عضو رائع
M**a**R**e**k**A


انثى
عدد الرسائل : 684
العمر : 29
الموقع : www.mareka7.ahlamontada.com
المزاج : زمالكاويه وافتخر
   : حكايتي مع بنت الجيران C13e6510
تاريخ التسجيل : 04/05/2008

حكايتي مع بنت الجيران Empty
مُساهمةموضوع: رد: حكايتي مع بنت الجيران   حكايتي مع بنت الجيران Icon_minitimeالجمعة أغسطس 01, 2008 3:54 pm

ايه الرخااااااااااااااااااااامه ديه ياض ههههههههههههههههههههههههههههههه موضوع جااامد اوي بس رخم بردو ss ss سانك يو
الرجوع الى أعلى الصفحة اذهب الى الأسفل
Hodaalahly
Admin
Admin
Hodaalahly


ذكر
عدد الرسائل : 6037
العمر : 30
الموقع : الثانوية العامة
العمل/الترفيه : طالب
المزاج : زفت
   : حكايتي مع بنت الجيران C13e6510
تاريخ التسجيل : 30/10/2007

حكايتي مع بنت الجيران Empty
مُساهمةموضوع: رد: حكايتي مع بنت الجيران   حكايتي مع بنت الجيران Icon_minitimeالخميس أغسطس 07, 2008 9:43 pm

ههههههههههههههههههههههههههههههههههههههه
الرجوع الى أعلى الصفحة اذهب الى الأسفل
https://as7ab.keuf.net
D.O.U.L.Y.
عضو شاد حيلة
عضو شاد حيلة
D.O.U.L.Y.


انثى
عدد الرسائل : 40
العمر : 26
الموقع : EGYPT
العمل/الترفيه : طالبة
المزاج : روشة
   : حكايتي مع بنت الجيران C13e6510
تاريخ التسجيل : 11/08/2008

حكايتي مع بنت الجيران Empty
مُساهمةموضوع: رد: حكايتي مع بنت الجيران   حكايتي مع بنت الجيران Icon_minitimeالثلاثاء أغسطس 19, 2008 1:54 am

جامد موت ايه رومانسية
love
الرجوع الى أعلى الصفحة اذهب الى الأسفل
http://WWW.GOOGLE.COM
 
حكايتي مع بنت الجيران
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
As7aB :: (*_*) ترفيه (*_*) :: النكت والالغاز-
انتقل الى: